Exode 40:29-33

29Laveruntque Moyses et Aaron ac filii ejus manus suas et pedes,

30cum ingrederentur tectum fœderis, et accederent ad altare, sicut præceperat Dominus Moysi.

31Erexit et atrium per gyrum tabernaculi et altaris, ducto in introitu ejus tentorio. Postquam omnia perfecta sunt,

32operuit nubes tabernaculum testimonii, et gloria Domini implevit illud.

33Nec poterat Moyses ingredi tectum fœderis, nube operiente omnia, et majestate Domini coruscante, quia cuncta nubes operuerat.