Exode 25:35-40

35Sphærulæ sub duobus calamis per tria loca, qui simul sex fiunt procedentes de hastili uno.

36Et sphærulæ igitur et calami ex ipso erunt, universa ductilia de auro purissimo.

37Facies et lucernas septem, et pones eas super candelabrum, ut luceant ex adverso.

38Emunctoria quoque, et ubi quæ emuncta sunt extinguantur, fiant de auro purissimo.

39Omne pondus candelabri cum universis vasis suis habebit talentum auri purissimi.

40Inspice, et fac secundum exemplar quod tibi in monte monstratum est.