Deutéronome 25:13-19

13Non habebis in sacculo diversa pondera, majus et minus :

14nec erit in domo tua modius major, et minor.

15Pondus habebis justum et verum, et modius æqualis et verus erit tibi : ut multo vivas tempore super terram, quam Dominus Deus tuus dederit tibi.

16Abominatur enim Dominus tuus eum qui facit hæc, et aversatur omnem injustitiam.

17Memento quæ fecerit tibi Amalec in via quando egrediebaris ex Ægypto :

18quomodo occurrerit tibi, et extremos agminis tui, qui lassi residebant, ceciderit, quando tu eras fame et labore confectus : et non timuerit Deum.

19Cum ergo Dominus Deus tuus dederit tibi requiem, et subjecerit cunctas per circuitum nationes in terra, quam tibi pollicitus est : delebis nomen ejus sub cælo. Cave ne obliviscaris.