Actes 24:5-9

5Invenimus hunc hominem pestiferum, et concitantem seditiones omnibus Judæis in universo orbe, et auctorem seditionis sectæ Nazarenorum :

6qui etiam templum violare conatus est, quem et apprehensum voluimus secundum legem nostram judicare.

7Superveniens autem tribunus Lysias, cum vi magna eripuit eum de manibus nostris,

8jubens accusatores ejus ad te venire : a quo poteris ipse judicans, de omnibus istis cognoscere, de quibus nos accusamus eum.

9Adjecerunt autem et Judæi, dicentes hæc ita se habere.