2 Rois 14:17-22

17Vixit autem Amasias filius Joas rex Juda postquam mortuus est Joas filius Joachaz regis Israël, quindecim annis.

18Reliqua autem sermonum Amasiæ, nonne hæc scripta sunt in libro sermonum dierum regum Juda ?

19Factaque est contra eum conjuratio in Jerusalem : at ille fugit in Lachis. Miseruntque post eum in Lachis, et interfecerunt eum ibi :

20et asportaverunt in equis, sepultusque est in Jerusalem cum patribus suis in civitate David.

21Tulit autem universus populus Judæ Azariam annos natum sedecim, et constituerunt eum regem pro patre ejus Amasia.

22Ipse ædificavit Ælath, et restituit eam Judæ, postquam dormivit rex cum patribus suis.