1 Chroniques 2:18-22

18Caleb vero filius Hesron accepit uxorem nomine Azuba, de qua genuit Jerioth : fueruntque filii ejus Jaser, et Sobab, et Ardon.

19Cumque mortua fuisset Azuba, accepit uxorem Caleb Ephratha, quæ peperit ei Hur.

20Porro Hur genuit Uri, et Uri genuit Bezeleel.

21Post hæc ingressus est Hesron ad filiam Machir patris Galaad, et accepit eam cum esset annorum sexaginta : quæ peperit ei Segub.

22Sed et Segub genuit Jair, et possedit viginti tres civitates in terra Galaad.