Jean 7:2-10

2‏ וַיִּקְרַב חַג הַיְּהוּדִים חַג הַסֻּכּוֹת׃

3‏ וַיֹּאמְרוּ אֵלָיו אֱחָיו קוּם וְלֵךְ מִזֶּה אַרְצָה יְהוּדָה לְמַעַן יִרְאוּ גַם־תַּלְמִידֶיךָ אֶת־הַמַּעֲשִֹים אֲשֶׁר־אַתָּה עֹשֶֹה׃

4‏ כִּי לֹא־יַעֲשֶֹה אִישׁ דָּבָר בַּסֵּתֶר וְהוּא חָפֵץ לְהִוָּדֵעַ אִם־עֹשֶֹה אַתָּה כָּאֵלֶּה הֵרָאֵה אֶל־הָעוֹלָם׃

5‏ כִּי־אֶחָיו גַּם־הֵם לֹא הֶאֱמִינוּ בּוֹ׃

6‏ וַיֹּאמֶר אֲלֵיהֶם יֵשׁוּעַ עִתִּי לֹא־בָאָה עַד־עָתָּה וְעִתְּכֶם תָּמִיד נְכוֹנָה׃

7‏ לֹא־יוּכַל הָעוֹלָם לִשְֹנוֹא אֶתְכֶם וְאֹתִי יִשְֹנָא בַּאֲשֶׁר אֲנִי מֵעִיד עָלָיו כִּי רָעִים מַעֲלָלָיו׃

8‏ עֲלוּ אַתֶּם לָחֹג אֶת־הֶחָג אֲנִי לֹא אֶעֱלֶה אֶל־הֶחַג הַזֶּה כִּי עִתִּי לֹא מָלְאָה עַד־עָתָּה׃

9‏ כָּזֹאת דִבֵּר וַיֵּשֶׁב בַּגָּלִיל׃

10‏ וַיְהִי כַּאֲשֶׁר עָלוּ אֶחָיו לָרֶגֶל וַיַּעַל גַּם־הוּא לֹא בַגָּלוּי כִּי אִם־כְּמִסְתַּתֵּר׃