Proverbes 27:7-10

7Anima saturata calcabit favum, et anima esuriens etiam amarum pro dulci sumet.

8Sicut avis transmigrans de nido suo, sic vir qui derelinquit locum suum.

9Unguento et variis odoribus delectatur cor, et bonis amici consiliis anima dulcoratur.

10Amicum tuum et amicum patris tui ne dimiseris, et domum fratris tui ne ingrediaris in die afflictionis tuæ. Melior est vicinus juxta quam frater procul.