Nombres 1:49-52

49Tribum Levi noli numerare, neque pones summam eorum cum filiis Israël :

50sed constitue eos super tabernaculum testimonii et cuncta vasa ejus, et quidquid ad cæremonias pertinet. Ipsi portabunt tabernaculum et omnia utensilia ejus : et erunt in ministerio, ac per gyrum tabernaculi metabuntur.

51Cum proficiscendum fuerit, deponent Levitæ tabernaculum ; cum castrametandum, erigent. Quisquis externorum accesserit, occidetur.

52Metabuntur autem castra filii Israël unusquisque per turmas et cuneos atque exercitum suum.