Nahum 1:7-10

7Bonus Dominus, et confortans in die tribulationis, et sciens sperantes in se.

8Et in diluvio prætereunte consummationem faciet loci ejus, et inimicos ejus persequentur tenebræ.

9Quid cogitatis contra Dominum ? Consummationem ipse faciet : non consurget duplex tribulatio,

10quia sicut spinæ se invicem complectuntur, sic convivium eorum pariter potantium ; consumentur quasi stipula ariditate plena.