Matthieu 17:14-17

14Et cum venisset ad turbam, accessit ad eum homo genibus provolutus ante eum, dicens : Domine, miserere filio meo, quia lunaticus est, et male patitur : nam sæpe cadit in ignem, et crebro in aquam.

15Et obtuli eum discipulis tuis, et non potuerunt curare eum.

16Respondens autem Jesus, ait : O generatio incredula, et perversa, quousque ero vobiscum ? usquequo patiar vos ? Afferte huc illum ad me.

17Et increpavit illum Jesus, et exiit ab eo dæmonium, et curatus est puer ex illa hora.