Marc 15:19-24

19Et percutiebant caput ejus arundine : et conspuebant eum, et ponentes genua, adorabant eum.

20Et postquam illuserunt ei, exuerunt illum purpura, et induerunt eum vestimentis suis : et educunt illum ut crucifigerent eum.

21Et angariaverunt prætereuntem quempiam, Simonem Cyrenæum venientem de villa, patrem Alexandri et Rufi, ut tolleret crucem ejus.

22Et perducunt illum in Golgotha locum : quod est interpretatum Calvariæ locus.

23Et dabant ei bibere myrrhatum vinum : et non accepit.

24Et crucifigentes eum, diviserunt vestimenta ejus, mittentes sortem super eis, quis quid tolleret.