Marc 10:19-22

19Præcepta nosti : ne adulteres, ne occidas, ne fureris, ne falsum testimonium dixeris, ne fraudem feceris, honora patrem tuum et matrem.

20At ille respondens, ait illi : Magister, hæc omnia observavi a juventute mea.

21Jesus autem intuitus eum, dilexit eum, et dixit ei : Unum tibi deest : vade, quæcumque habes vende, et da pauperibus, et habebis thesaurum in cælo : et veni, sequere me.

22Qui contristatus in verbo, abiit mœrens : erat enim habens multas possessiones.