Job 32:4-9

4Igitur Eliu expectavit Job loquentem, eo quod seniores essent qui loquebantur.

5Cum autem vidisset quod tres respondere non potuissent, iratus est vehementer.

6Respondensque Eliu filius Barachel Buzites, dixit : Junior sum tempore, vos autem antiquiores : idcirco, demisso capite, veritus sum vobis indicare meam sententiam.

7Sperabam enim quod ætas prolixior loqueretur, et annorum multitudo doceret sapientiam.

8Sed, ut video, spiritus est in hominibus, et inspiratio Omnipotentis dat intelligentiam.

9Non sunt longævi sapientes, nec senes intelligunt judicium.