Job 3:6-10

6Noctem illam tenebrosus turbo possideat ; non computetur in diebus anni, nec numeretur in mensibus.

7Sit nox illa solitaria, nec laude digna.

8Maledicant ei qui maledicunt diei, qui parati sunt suscitare Leviathan.

9Obtenebrentur stellæ caligine ejus ; expectet lucem, et non videat, nec ortum surgentis auroræ.

10Quia non conclusit ostia ventris qui portavit me, nec abstulit mala ab oculis meis.