Ésaïe 40:3-7

3Vox clamantis in deserto : Parate viam Domini, rectas facite in solitudine semitas Dei nostri.

4Omnis vallis exaltabitur, et omnis mons et collis humiliabitur, et erunt prava in directa, et aspera in vias planas :

5et revelabitur gloria Domini, et videbit omnis caro pariter quod os Domini locutum est.

6Vox dicentis : Clama. Et dixi : Quid clamabo ? Omnis caro fœnum, et omnis gloria ejus quasi flos agri.

7Exsiccatum est fœnum, et cecidit flos, quia spiritus Domini sufflavit in eo. Vere fœnum est populus :