Habacuc 3:2-6

2Domine, audivi auditionem tuam, et timui. Domine, opus tuum, in medio annorum vivifica illud ; in medio annorum notum facies : cum iratus fueris, misericordiæ recordaberis.

3Deus ab austro veniet, et Sanctus de monte Pharan : operuit cælos gloria ejus, et laudis ejus plena est terra.

4Splendor ejus ut lux erit, cornua in manibus ejus : ibi abscondita est fortitudo ejus.

5Ante faciem ejus ibit mors, et egredietur diabolus ante pedes ejus.

6Stetit, et mensus est terram ; aspexit, et dissolvit gentes, et contriti sunt montes sæculi : incurvati sunt colles mundi ab itineribus æternitatis ejus.