Genèse 44:21-26

21Dixistique servis tuis : Adducite eum ad me, et ponam oculos meos super illum.

22Suggessimus domino meo : Non potest puer relinquere patrem suum : si enim illum dimiserit, morietur.

23Et dixisti servis tuis : Nisi venerit frater vester minimus vobiscum, non videbitis amplius faciem meam.

24Cum ergo ascendissemus ad famulum tuum patrem nostrum, narravimus ei omnia quæ locutus est dominus meus.

25Et dixit pater noster : Revertimini, et emite nobis parum tritici.

26Cui diximus : Ire non possumus : si frater noster minimus descenderit nobiscum, proficiscemur simul : alioquin illo absente, non audemus videre faciem viri.