Genèse 13:14-17

14Dixitque Dominus ad Abram, postquam divisus est ab eo Lot : Leva oculos tuos et vide a loco, in quo nunc es, ad aquilonem et meridiem, ad orientem et occidentem.

15Omnem terram, quam conspicis, tibi dabo, et semini tuo usque in sempiternum.

16Faciamque semen tuum sicut pulverem terræ : si quis potest hominum numerare pulverem terræ, semen quoque tuum numerare poterit.

17Surge, et perambula terram in longitudine et in latitudine sua : quia tibi daturus sum eam.