Galates 4:12-17

12Estote sicut ego, quia et ego sicut vos : fratres, obsecro vos. Nihil me læsistis.

13Scitis autem quia per infirmitatem carnis evangelizavi vobis jampridem : et tentationem vestram in carne mea

14non sprevistis, neque respuistis : sed sicut angelum Dei excepistis me, sicut Christum Jesum.

15Ubi est ergo beatitudo vestra ? testimonium enim perhibeo vobis, quia, si fieri posset, oculos vestros eruissetis, et dedissetis mihi.

16Ergo inimicus vobis factus sum, verum dicens vobis ?

17Æmulantur vos non bene : sed excludere vos volunt, ut illos æmulemini.