Exode 25:33-36

33Tres scyphi quasi in nucis modum per calamos singulos, sphærulaque simul, et lilium : et tres similiter scyphi instar nucis in calamo altero, sphærulaque simul et lilium. Hoc erit opus sex calamorum, qui producendi sunt de hastili :

34in ipso autem candelabro erunt quatuor scyphi in nucis modum, sphærulæque per singulos, et lilia.

35Sphærulæ sub duobus calamis per tria loca, qui simul sex fiunt procedentes de hastili uno.

36Et sphærulæ igitur et calami ex ipso erunt, universa ductilia de auro purissimo.