Ecclésiaste 10:1-7

1Muscæ morientes perdunt suavitatem unguenti. Pretiosior est sapientia et gloria, parva et ad tempus stultitia.

2Cor sapientis in dextera ejus, et cor stulti in sinistra illius.

3Sed et in via stultus ambulans, cum ipse insipiens sit, omnes stultos æstimat.

4Si spiritus potestatem habentis ascenderit super te, locum tuum ne dimiseris, quia curatio faciet cessare peccata maxima.

5Est malum quod vidi sub sole, quasi per errorem egrediens a facie principis :

6positum stultum in dignitate sublimi, et divites sedere deorsum.

7Vidi servos in equis, et principes ambulantes super terram quasi servos.