1 Samuel 10:13-16

13Cessavit autem prophetare, et venit ad excelsum.

14Dixitque patruus Saul ad eum, et ad puerum ejus : Quo abistis ? Qui responderunt : Quærere asinas : quas cum non reperissemus, venimus ad Samuelem.

15Et dixit ei patruus suus : Indica mihi quid dixerit tibi Samuel.

16Et ait Saul ad patruum suum : Indicavit nobis quia inventæ essent asinæ. De sermone autem regni non indicavit ei quem locutus fuerat ei Samuel.