Daniel 4:1-5

1אֲנָ֣ה נְבוּכַדְנֶצַּ֗ר שְׁלֵ֤ה הֲוֵית֙ בְּבֵיתִ֔י וְרַעְנַ֖ן בְּהֵיכְלִֽי (אני נְבוּכַדְנֶצַּר שלוו הייתי בביתי ורענן בהיכלי.)׃

2חֵ֥לֶם חֲזֵ֖ית וִֽידַחֲלִנַּ֑נִי וְהַרְהֹרִין֙ עַֽל־מִשְׁכְּבִ֔י וְחֶזְוֵ֥י רֵאשִׁ֖י יְבַהֲלֻנַּֽנִי (ואראה חלום שהפחידני. הרהורי על משכבי וחזיונות ראשי הבהילוני.)׃

3וּמִנִּי֙ שִׂ֣ים טְעֵ֔ם לְהַנְעָלָ֣ה קָֽדָמַ֔י לְכֹ֖ל חַכִּימֵ֣י בָבֶ֑ל דִּֽי־פְשַׁ֥ר חֶלְמָ֖א יְהֽוֹדְעֻנַּֽנִי (אז צויתי שיביאו לפני את כל חכמי בבל, כדי שיגידו לי את פתרון חלומי.)׃

4בֵּאדַ֣יִן (עללין)* עָלִּ֗ין* חַרְטֻמַיָּא֙ אָֽשְׁפַיָּ֔א (כשדיא)* כַּשְׂדָּאֵ֖י* וְגָזְרַיָּ֑א וְחֶלְמָ֗א אָמַ֤ר אֲנָה֙ קֳדָ֣מֵיה֔וֹן וּפִשְׁרֵ֖הּ לָא־מְהוֹדְעִ֥ין לִֽי (אז באו החרטומים, האשפים, הכשדים והקוסמים וסיפרתי להם את החלום, אך הם לא הודיעו לי את פתרונו.)׃

5וְעַ֣ד אָחֳרֵ֡ין עַל֩ קָֽדָמַ֨י דָּנִיֵּ֜אל דִּֽי־שְׁמֵ֤הּ בֵּלְטְשַׁאצַּר֙ כְּשֻׁ֣ם אֱלָהִ֔י וְדִ֛י רֽוּחַ־אֱלָהִ֥ין קַדִּישִׁ֖ין בֵּ֑הּ וְחֶלְמָ֖א קָֽדָמ֥וֹהִי אַמְרֵֽת (וייכנס אלי אחרון דניאל, אשר שמו בֵּלְטְשַׁאצַּר כשם אלוהי, איש אשר רוח אלוהי קודש בו, ואספר לו את חלומי:)׃