2 Timothée 1:6-14

6‏ וּבַעֲבוּר זֹאת אַזְכִּירְךָ כִּי תְעוֹרֵר אֶת־מַתְּנַת הָאֱלֹהִים אֲשֶׁר בְּךָ בִּסְמִיכַת יָדִי׃

7‏ כִּי הָאֱלֹהִים לֹא־נָתַן לָנוּ רוּחַ אֵימָה כִּי אִם־רוּחַ גְּבוּרָה וְאַהֲבָה וּמוּסָר׃

8‏ לָכֵן אַל־תֵּבוֹשׁ לֹא מֵעֵדוּת אֲדֹנֵינוּ וְלֹא מִמֶּנִּי אֲסִירוֹ כִּי אִם־תְּקַבֵּל כָּמוֹנִי הָרָעוֹת עַל־הַבְּשׂוֹרָה בִּגְבוּרַת אֱלֹהִים׃

9‏ אֲשֶׁר־הוֹשִׁיעָנוּ וּקְרָאָנוּ קְרִיאָה קְדוֹשָׁה לֹא כְמַעֲשֵׂינוּ כִּי אִם־כַּעֲצָתוֹ וְחַסְדּוֹ הַנִּתָּן לָנוּ בַּמָּשִׁיחַ יֵשׁוּעַ לִפְנֵי יְמוֹת עוֹלָם׃

10‏ וְעַתָּה נִגְלָה בְּהֵרָאוֹת מוֹשִׁיעֵנוּ יֵשׁוּעַ הַמָּשִׁיחַ אֲשֶׁר בִּלַּע הַמָּוֶת וַיּוֹצֵא לָאוֹר אֶת־הַחַיִּים וְאֵת אֲשֶׁר־אֵינֶנּוּ עוֹבֵר עַל־יְדֵי הַבְּשׂוֹרָה׃

11‏ אֲשֶׁר הָפְקַדְתִּי לִהְיוֹת לָהּ לְכָרוֹז וְשָׁלִיחַ וּמוֹרֵה הַגּוֹיִם׃

12‏ וּבַעֲבוּר זֹאת אֶסְבֹּל כָּאֵלֶּה וְלֹא אֵבוֹשׁ כִּי־יָדַעְתִּי בְּמִי הֶאֱמַנְתִּי וַאֲנִי מֻבְטָח שֶׁבְּיָדוֹ לִשְׁמֹר אֶת־פִּקְדוֹנִי לַיּוֹם הַהוּא׃

13‏ הַחֲזֵקּ בְּתַבְנִית הַדְּבָרִים הַבְּרִיאִים אֲשֶׁר שָׁמַעְתָּ מִמֶּנִּי בָּאֱמוּנָה וּבָאַהֲבָה אֲשֶׁר בַּמָּשִׁיחַ יֵשׁוּעַ׃

14‏ שְׁמֹר אֶת־הַפִּקָּדוֹן הַטּוֹב עַל־יְדֵי רוּחַ הַקֹּדֶשׁ הַשֹּׁכֵן בָּנוּ׃