Psaumes 54:1-7

1In finem, in carminibus. Intellectus David.

2Exaudi, Deus, orationem meam, et ne despexeris deprecationem meam :

3intende mihi, et exaudi me. Contristatus sum in exercitatione mea, et conturbatus sum

4a voce inimici, et a tribulatione peccatoris. Quoniam declinaverunt in me iniquitates, et in ira molesti erant mihi.

5Cor meum conturbatum est in me, et formido mortis cecidit super me.

6Timor et tremor venerunt super me, et contexerunt me tenebræ.

7Et dixi : Quis dabit mihi pennas sicut columbæ, et volabo, et requiescam ?