Marc 15:6-11

6Per diem autem festum solebat dimittere illis unum ex vinctis, quemcumque petissent.

7Erat autem qui dicebatur Barabbas, qui cum seditiosis erat vinctus, qui in seditione fecerat homicidium.

8Et cum ascendisset turba, cœpit rogare, sicut semper faciebat illis.

9Pilatus autem respondit eis, et dixit : Vultis dimittam vobis regem Judæorum ?

10Sciebat enim quod per invidiam tradidissent eum summi sacerdotes.

11Pontifices autem concitaverunt turbam, ut magis Barabbam dimitteret eis.