Luc 8:45-48

45Et ait Jesus : Quis est, qui me tetigit ? Negantibus autem omnibus, dixit Petrus, et qui cum illo erant : Præceptor, turbæ te comprimunt, et affligunt, et dicis : Quis me tetigit ?

46Et dicit Jesus : Tetigit me aliquis : nam ego novi virtutem de me exiisse.

47Videns autem mulier, quia non latuit, tremens venit, et procidit ante pedes ejus : et ob quam causam tetigerit eum, indicavit coram omni populo : et quemadmodum confestim sanata sit.

48At ipse dixit ei : Filia, fides tua salvam te fecit : vade in pace.