Josué 3:9-13

9Dixitque Josue ad filios Israël : Accedite huc, et audite verbum Domini Dei vestri.

10Et rursum : In hoc, inquit, scietis quod Dominus Deus vivens in medio vestri est, et disperdet in conspectu vestro Chananæum et Hethæum, Hevæum et Pherezæum, Gergesæum quoque et Jebusæum, et Amorrhæum.

11Ecce arca fœderis Domini omnis terræ antecedet vos per Jordanem.

12Parate duodecim viros de tribubus Israël, singulos per singulas tribus.

13Et cum posuerint vestigia pedum suorum sacerdotes qui portant arcam Domini Dei universæ terræ in aquis Jordanis, aquæ quæ inferiores sunt, decurrent atque deficient : quæ autem desuper veniunt, in una mole consistent.