Ésaïe 32:15-20

15Donec effundatur super nos spiritus de excelso, et erit desertum in carmel, et carmel in saltum reputabitur.

16Et habitabit in solitudine judicium, et justitia in carmel sedebit.

17Et erit opus justitiæ pax, et cultus justitiæ silentium, et securitas usque in sempiternum.

18Et sedebit populus meus in pulchritudine pacis, et in tabernaculis fiduciæ, et in requie opulenta.

19Grando autem in descensione saltus, et humilitate humiliabitur civitas.

20Beati qui seminatis super omnes aquas, immittentes pedem bovis et asini.