Genèse 42:9-14

9Recordatusque somniorum, quæ aliquando viderat, ait ad eos : Exploratores estis : ut videatis infirmiora terræ venistis.

10Qui dixerunt : Non est ita, domine, sed servi tui venerunt ut emerent cibos.

11Omnes filii unius viri sumus : pacifici venimus, nec quidquam famuli tui machinantur mali.

12Quibus ille respondit : Aliter est : immunita terræ hujus considerare venistis.

13At illi : Duodecim, inquiunt, servi tui, fratres sumus, filii viri unius in terra Chanaan : minimus cum patre nostro est, alius non est super.

14Hoc est, ait, quod locutus sum : exploratores estis.