Ézéchiel 23:31-35

31In via sororis tuæ ambulasti, et dabo calicem ejus in manu tua.

32Hæc dicit Dominus Deus : Calicem sororis tuæ bibes profundum et latum : eris in derisum et in subsannationem quæ est capacissima.

33Ebrietate et dolore repleberis : calice mœroris et tristitiæ, calice sororis tuæ Samariæ.

34Et bibes illum, et epotabis usque ad fæces : et fragmenta ejus devorabis, et ubera tua lacerabis, quia ego locutus sum, ait Dominus Deus.

35Propterea hæc dicit Dominus Deus : Quia oblita es mei, et projecisti me post corpus tuum, tu quoque porta scelus tuum et fornicationes tuas.