Daniel 11:22-24

22Et brachia pugnantis expugnabuntur a facie ejus, et conterentur : insuper et dux fœderis.

23Et post amicitias, cum eo faciet dolum : et ascendet, et superabit in modico populo.

24Et abundantes, et uberes urbes ingredietur : et faciet quæ non fecerunt patres ejus, et patres patrum ejus : rapinas, et prædam, et divitias eorum dissipabit, et contra firmissimas cogitationes inibit : et hoc usque ad tempus.