2 Samuel 15:25-29

25Et dixit rex ad Sadoc : Reporta arcam Dei in urbem : si invenero gratiam in oculis Domini, reducet me, et ostendet mihi eam, et tabernaculum suum.

26Si autem dixerit mihi : Non places : præsto sum : faciat quod bonum est coram se.

27Et dixit rex ad Sadoc sacerdotem : O videns, revertere in civitatem in pace : et Achimaas filius tuus, et Jonathas filius Abiathar, duo filii vestri, sint vobiscum.

28Ecce ego abscondar in campestribus deserti, donec veniat sermo a vobis indicans mihi.

29Reportaverunt ergo Sadoc et Abiathar arcam Dei in Jerusalem, et manserunt ibi.