2 Chroniques 25:1-4

1Viginti quinque annorum erat Amasias cum regnare cœpisset, et viginti novem annis regnavit in Jerusalem : nomen matris ejus Joadan de Jerusalem.

2Fecitque bonum in conspectu Domini, verumtamen non in corde perfecto.

3Cumque roboratum sibi videret imperium, jugulavit servos qui occiderant regem patrem suum,

4sed filios eorum non interfecit, sicut scriptum est in libro legis Moysi, ubi præcepit Dominus, dicens : Non occidentur patres pro filiis, neque filii pro patribus suis, sed unusquisque in suo peccato morietur.