Job 21:7-11

7Quare ergo impii vivunt, sublevati sunt, confortatique divitiis ?

8Semen eorum permanet coram eis : propinquorum turba et nepotum in conspectu eorum.

9Domus eorum securæ sunt et pacatæ, et non est virga Dei super illos.

10Bos eorum concepit, et non abortivit : vacca peperit, et non est privata fœtu suo.

11Egrediuntur quasi greges parvuli eorum, et infantes eorum exsultant lusibus.