Exode 26:22-25

22Ad occidentalem vero plagam tabernaculi facies sex tabulas,

23et rursum alias duas quæ in angulis erigantur post tergum tabernaculi.

24Eruntque conjunctæ a deorsum usque sursum, et una omnes compago retinebit. Duabus quoque tabulis quæ in angulis ponendæ sunt, similis junctura servabitur.

25Et erunt simul tabulæ octo, bases earum argenteæ sedecim, duabus basibus per unam tabulam supputatis.