2 Rois 21:1-5

1Duodecim annorum erat Manasses cum regnare cœpisset, et quinquaginta quinque annis regnavit in Jerusalem : nomen matris ejus Haphsiba.

2Fecitque malum in conspectu Domini, juxta idola gentium quas delevit Dominus a facie filiorum Israël.

3Conversusque est, et ædificavit excelsa quæ dissipaverat Ezechias pater ejus : et erexit aras Baal, et fecit lucos sicut fecerat Achab rex Israël, et adoravit omnem militiam cæli, et coluit eam.

4Exstruxitque aras in domo Domini, de qua dixit Dominus : In Jerusalem ponam nomen meum.

5Et exstruxit altaria universæ militiæ cæli in duobus atriis templi Domini.