Esdras 5:2-6

2בֵּאדַ֡יִן קָ֠מוּ זְרֻבָּבֶ֤ל בַּר־שְׁאַלְתִּיאֵל֙ וְיֵשׁ֣וּעַ בַּר־יֽוֹצָדָ֔ק וְשָׁרִ֣יו לְמִבְנֵ֔א בֵּ֥ית אֱלָהָ֖א דִּ֣י בִירֽוּשְׁלֶ֑ם וְעִמְּה֛וֹן (נביאיא)* נְבִיַּיָּ֥א* דִֽי־אֱלָהָ֖א מְסָעֲדִ֥ין לְהֽוֹן (ויקומו זרבבל בן שאלתיאל וישוע בן יוצדק ויחלו לבנות בית האלוהים אשר בירושלים ועמהם נביאי האלוהים אשר היו עוזרים להם.)׃ פ*

3בֵּהּ־זִמְנָא֩ אֲתָ֨א עֲלֵיה֜וֹן תַּ֠תְּנַי פַּחַ֧ת עֲבַֽר־נַהֲרָ֛ה וּשְׁתַ֥ר בּוֹזְנַ֖י וּכְנָוָתְה֑וֹן וְכֵן֙ אָמְרִ֣ין לְהֹ֔ם מַן־שָׂ֨ם לְכֹ֜ם טְעֵ֗ם בַּיְתָ֤א דְנָה֙ לִבְּנֵ֔א וְאֻשַּׁרְנָ֥א דְנָ֖ה לְשַׁכְלָלָֽה (בעת ההיא בא אליהם תַּתְּנַי, מושל עבר הנהר, שְׁתַר בֹּוזְנַי ועמיתיהם וככה היו אומרים להם: "מי נתן לכם רשות לבנות את הבית הזה ולהשלים את החומה הזאת?")׃ ס*

4אֱדַ֥יִן כְּנֵ֖מָא אֲמַ֣רְנָא לְּהֹ֑ם מַן־אִנּוּן֙ שְׁמָהָ֣ת גֻּבְרַיָּ֔א דִּֽי־דְנָ֥ה בִנְיָנָ֖א בָּנַֽיִן (אז כיוצא בו אמרנו את שמות האנשים הבונים את הבנין הזה.)׃

5וְעֵ֣ין אֱלָהֲהֹ֗ם הֲוָת֙ עַל־שָׂבֵ֣י יְהוּדָיֵ֔א וְלָא־בַטִּ֣לוּ הִמּ֔וֹ עַד־טַעְמָ֖א לְדָרְיָ֣וֶשׁ יְהָ֑ךְ וֶאֱדַ֛יִן יְתִיב֥וּן נִשְׁתְּוָנָ֖א עַל־דְּנָֽה (ועין אלהיהם היתה על זקני היהודים ולא ביטלו אותם עד אשר יגיע הדבר לְדָרְיָוֶשׁ, ואז ישיבו את האגרת עליו.)׃ פ*

6פַּרְשֶׁ֣גֶן אִ֠גַּרְתָּא דִּֽי־שְׁלַ֞ח תַּתְּנַ֣י ׀ פַּחַ֣ת עֲבַֽר־נַהֲרָ֗ה וּשְׁתַ֤ר בּוֹזְנַי֙ וּכְנָ֣וָתֵ֔הּ אֲפַ֨רְסְכָיֵ֔א דִּ֖י בַּעֲבַ֣ר נַהֲרָ֑ה עַל־דָּרְיָ֖וֶשׁ מַלְכָּֽא (העתק האגרת אשר שלח תַּתְּנַי, מושל עבר הנהר, שְׁתַר בֹּוזְנַי ועמיתיהם האפרסכים אשר בעבר הנהר אל דריוש המלך.)׃