Matthieu 21:40-44

40Cum ergo venerit dominus vineæ, quid faciet agricolis illis ?

41Aiunt illi : Malos male perdet : et vineam suam locabit aliis agricolis, qui reddant ei fructum temporibus suis.

42Dicit illis Jesus : Numquam legistis in Scripturis : Lapidem quem reprobaverunt ædificantes, hic factus est in caput anguli : a Domino factum est istud, et est mirabile in oculis nostris ?

43Ideo dico vobis, quia auferetur a vobis regnum Dei, et dabitur genti facienti fructus ejus.

44Et qui ceciderit super lapidem istum, confringetur : super quem vero ceciderit, conteret eum.